Sipas studimit, i cili u botua në revistën Nature Medicine, nxehtësia ekstreme mund të shkaktojë më shumë vdekje në Barcelonë – 246,082, e ndjekur nga Roma me 147,738 dhe Napoli me 147,248.
Nxehtësia ekstreme, e shkaktuar nga ndryshimet klimatike, mund të shkaktojë më shumë se 2.3 milionë vdekje në qytetet evropiane deri në fund të shekullit, me qytetet në Itali ndër ato më të goditura, sipas një studimi nga Shkolla e Higjienës dhe Mjekësisë Tropikale në Londër.
Sipas studimit, i cili u botua në revistën Nature Medicine, nxehtësia ekstreme mund të shkaktojë më shumë vdekje në Barcelonë – 246,082, e ndjekur nga Roma me 147,738 dhe Napoli me 147,248.
Milano është e pesta në listë me rreth 110,131 vdekje dhe Genova është e dhjeta me 36,338, njoftoi agjencia italiane e lajmeve ANSA.
Përshtatja ndaj temperaturave më të larta
Autori i studimit Pierre Masselot tha se rezultatet e studimit tregojnë një nevojë urgjente për të vazhduar luftën vendimtare kundër ndryshimeve klimatike, si dhe për t’u përshtatur me temperaturat në rritje.
Ai theksoi se nëse diçka nuk bëhet urgjentisht, pasojat mund të jenë katastrofike, veçanërisht në rajonin e Mesdheut.
Italia përjetoi valë të forta të nxehti dhe thatësira ekstreme në jug të vendit vitin e kaluar, me Sicilinë dhe Sardenjën të prekura veçanërisht, ndërsa reshjet e mëdha shkaktuan përmbytje në rajone të tjera. /tesheshi.com/
