Studiuesit e Universitetit të Kembrixhit kanë kryer disa teste mbi një grup prej 50 vetësh ku kanë parë efektet e dëmshme të obezitetit ndaj kujtesës. Rezultatet janë publikuar në revistën e specializuar Quarterly Journal of Experimental Psychology.
Testi mbi memorien i kryer mbi pjesëmarrësit, ka treguar se ata që vuanin nga obeziteti kanë dhënë rezultate më të dobëta krahasuar me të tjerët. Këto janë të dhëna shqetësuese sipas ekspertëve.
Sipas njërës sosh të angazhuar në këtë hulumtim, Lucy Cheke, studimi ka treguar sesa më e madhe masa trupore aq më shumë ka rënie të kthjelltësisë së kujtesës.
Por sipas studiuesve, shqetësues është fakti i të mos mbajturit mend të ushqimeve të konsumuara, çka mund të përkeqësojë më tej kushtet shëndetësore të kujtesës te personat obez. /tesheshi.com/
