Gjatë një studimi të kryer në bazë të disa sondazheve të kryera nga American Time Use Survey në vitin 2010, 2012 dhe 2013-të me rreth 12 mijë pjesëmarrës, u raportua se nënat ndihen më shumë të lodhura, të stresuara dhe më pak të lumtura kur prindërojnë vetëm. Studimi tregon gjithashtu se kjo lodhje dhe stres vjen si pasojë e kombinimit të prindërimit me punët e shtëpisë ndërkohë që baballarët kombinojnë prindërimin me aktivitete argëtuese.
Nga ana tjetër, arsyeja përse femrat flenë më shumë se meshkujt (mesatarisht 27 minuta më tepër) është sepse gjumi i tyre ndërpritet gjithmonë gjatë natës dhe në mos qoftë nga fëmijët e vegjël apo gjidhënja, ndodh për shkak të stresit dhe lodhjes ditore duke përballuar detyrimet ndaj shtëpisë dhe prindërimin duke qenë vetëm.
Terapia e duhur për të kuruar këtë stres dhe lodhje?
Prindërim i përbashkët në varësi të mundësive: kujdesja për fëmijët nga ana e baballarëve kur nënat merren me punët e shtëpisë ose e kundërta kur nënat duhet të prindërojnë baballarët duhet të japin ndihmën e tyre në punët e shtëpisë. /tesheshi.com/
