Ndjekja e studimeve në programin europian Erasmus është një eksperiencë shumë e mirë, por që mund të rezultojë shumë i kushtueshëm. Universiteti rimburson vetëm një pjesë të shpenzimeve dhe shpesh me shumë vonesë. Kështu që është një ide e mirë të njihesh me qytetet që e bëjnë jetën më të lehtë, sidomos kur je student me pak mundësi. Me gjysmën e parave mund t’i mbijetosh sfidave të një qyteti të ri.
Kështu, destinacionet kryesore të studimit janë studiuar edhe për të parë se ku është më e përballueshme jetesa. E ndër to duket se Lisbona, kryeqyteti i Portugalisë është qyteti që ofron një jetesë më të përballueshme nga studentët, e pas saj renditen Valencia në Spanjë dhe Rotterdami në Hollandë.
Studimi është kryer nga Uniplacesm, një platformë e cila vendos kontaktet mes studentëve në kërkim të një shtëpie me qira, me pronarët e këtyre apartamenteve. Në kërkim janë studiuar disa zëra: kostoja e qirave të banesave, kostoja e vakteve, e lidhjes me internetin dhe e transportit publik.
Duket se fitues në këtë studim ka dalë kryeqyteti portugez me një kosto mesatare të të gjitha këtyre shërbimeve prej 372 euro në muaj (202 euro për fjetjen, 110 për të ngrënë, 36 për abonimin në mjetet e transportit publik, dhe 24 euro për internetin). Për të marrë një leje qëndrimi në Valencia, që sikundër Lisbona ka një klimë të mrekullueshme, gratis kjo, duhet të kesh më shumë fonde, 428 euro.
Duke shtuar edhe 60 euro të tjera (488 në total) mund të shkohet në Rotterdam, qyteti i dytë më i madh në Hollandë, me një cilësi jetese shumë të lartë por që vijnë me një kosto jo edhe aq “të ndaluar” duke marrë parasysh nivelin e lartë të shërbimeve, përfshirë edhe ato universitare.
Barcelona është një nga qytetet më të kërkuara nga studentët e programit Erasmus, por që kërkon shpenzime mesatare prej 503 eurosh në muaj.
Shpenzimet e studentëve që duhen përballuar në këto qytete, sigurisht që mbështeten nga financimi i bursës së studimit Erasmus Plus që shkojnë për vende anëtare të BE në shifrat 230 deri në 280 euro në muaj, sikundër edhe me fondet që jepen nga universitete të veçanta.
Një zgjedhje e bukur do të ishte Milano, por krahasimi është shumë interesant. Një vit të kushton më shumë sesa në pjesën tjetër të Europës, me 582 euro në muaj që në fakt, është një shifër optimiste krahasuar me jetën reale të qytetit. Përgatiti: Juli Prifti – /tesheshi.com/
