Hydroxychloroquine, një ilaç kundër malarias i promovuar ga Presidenti Donald Trump për të parandaluar COVID-19, ka rritur vdekshmërinë e pacientëve të trajtuar me të në spitalet në të gjithë botën, tregoi studimi, shkruan The Guardian.
Një studim i madh mbi mënyrën e përdorimit të këtij ilaçi dhe versionin e tij të vjetër, Chloroquine, është përdorur në gjashtë kontinente, pa prova klinike, ka zbuluar një pamje shqetësuese.
Shkencëtarët thanë se rezultatet nënkuptonin që ilaçi nuk duhet t’u jepej pacientëve me COVID-19.
Një artikull i botuar në revistën mjekësore Lancet tregon se nxitimi për ta përdorur atë në të gjithë botën mund të jetë i pamatur. Një numër i konsiderueshëm mjekësh e përshkruanin atë pa prova. Dihet që ilaçi mund të shkaktojë parregullsi në zemër, por shumë kanë pohuar se është i sigurt për shkak të përdorimit afatgjatë që kuron malarian.
Përdorimi masiv i tij u pasua në rastet e pacientëve COVID-19, pasi mjeku francez Didier Raoult tha që po trajtonte pacientët në Spitalin La Timone në Marsejë. Në atë kohë, presidenti amerikan pretendoi se Hydroxychloroquine ishte më pak toksik sesa ilaçi origjinal Chloroquine, dhe më vonë tha se ai po e merrte atë kundër koronavirusit.
Ilaçet janë mjaft të sigurta për pacientët që trajtohen për malarie, por COVID-19 është një sëmundje e ndryshme. Autorët mblodhën rezultatet e më shumë se 96,000 pacientëve në 671 spitale, të cilët morën një nga këto ilaçe midis 20 dhjetorit dhe 14 prillit.
Shkalla e vdekshmërisë në mesin e të gjitha grupeve që morën këtë ilaç ishte më e lartë se në mesin e njerëzve që nuk u jepeshin atyre. /tesheshi.com/
