The Economist përmes një kërkimi të shkallës së gjërë, ka shqyrtuar kushtet për jetesë në 140 qytete të botës.
Secili qytet është vlerësuar në pesë kategori: stabiliteti, shëndetësia, kultura dhe mjedisi, arsimi dhe infrastruktura.
Sipas raportit të fundit nga gushti i vitit 2016, në vendin e parë për kushte të mira jete, qëndron akoma Melburni, i ndjekur nga Vjena dhe Vankuveri; ndërsa kushtet më të këqija për të jetuar i kanë Lagosi, Tripoli dhe Damasku.
Gjatë periudhës 5-vjeçare, nga 2011-ta deri në 2016-ën, 96 nga 140 qytete kanë përjetuar ndryshime në vlerësimin e përgjithshëm të kushteve të jetesës.
Nga ky numër, në 71 qytete kushtet e jetesës janë përkeqësuar. Ky përkeqësim është më i theksuari në dy qytete: Damask të Sirisë dhe Kiev të Ukrainës.
Këto shifra janë ilustrim i mirë i efektit të konfliktit në cilësinë e jetës. Sipas The Economist, kushtet e jetës janë përkeqësuar në Damask me 26,1%, e në Kiev me 25,1%.
Qytetet në të cilat kushtet e jetës janë përmirësuar në masë të madhe gjatë pesë viteve janë Teherani, Dubai dhe Harare. /tesheshi.com/
