Një renditje e re e vendeve më të mira për të qenë një emigrant, ka vendosur Suedinë në vendin e parë, e ndjekur nga Kanadaja, Zvicra, Australia dhe Gjermania. Shtetet e Bashkuara, një vend i cili u themelua kryesisht nga emigracionit masiv, vjen në vendin e shtatë.
U.S. News and World Report, që përpiloi renditjen, tha se për të krijuar këtë listë ka marrë për bazë masa të tilla si stabiliteti ekonomik, barazia e të ardhurave dhe tregjet e punës, duke përdorur një studim të veçantë të opinioneve të më shumë se 21.000 udhëheqësve të biznesit dhe elitave të tjera si dhe anëtarëve të publikut.
Autorët e rankimit thonë se gjithashtu përdorën të dhëna nga Banka Botërore dhe Kombet e Bashkuara mbi popullsinë emigrante në vende të ndryshme, si dhe sasinë e remitancave të dërguara në vendin e tyre të lindjes. Projekti i emigracionit është pjesë e një renditjeje më të gjerë, të nisur nga U.S. News and World Report vitin e kaluar, që përpiqet të përcaktojë vendet “më të mira” në botë, në të njëjtën mënyrë që ky publikim rendit edhe kolegjet, spitalet dhe makinat.
Eric Gertler, bashkëkryetar i U.S. News dhe New York Daily News, tha se përvoja e përpilimit të rankimit më të mirë të vendeve u tregoi atyre se shumë njerëz e shohin imigracionin si çështjen më të rëndësishme në botë.
Suedia ishte bërë një destinacion popullor për refugjatët nga Afrika dhe Lindja e Mesme gjatë viteve të fundit, duke marrë më shumë emigrantë sesa çdo komb tjetër evropian në kulmin e fluksit të migrantëve në vitin 2015.
Suedia nuk ishte vendi i vetëm nordik që ka mirëpritur emigrantët; Norvegjia, Finlanda dhe Danimarka gjithashtu një nga 10 pozitat e para të rankimit, kryesisht për shkak të perceptimeve të favorshme të gjetura në studimin mbi ekonomitë e tyre dhe përkushtimin ndaj barazisë së të ardhurave. Vendeve të tjera, si Kanadaja dhe Zvicra, u janë dhënë nota pozitive jo vetëm për ekonominë e tyre por edhe për masat integruese për emigrantët, siç është trajnimi i gjuhës.
Ndërsa SHBA u vlerësua mirë për shkak të numrit të madh të remitancave, US News tha se vendi pësoi rënie në renditje për shkak të pabarazisë së perceptuar ekonomike. Britania u rendit edhe më e ulët, në pozitën e 17-të pavarësisht nga ekonomia e saj e fortë, për shkak se politika e saj e imigracionit favorizonte në mënyrë specifike shtetasit e saj.
Në përgjithësi, vendet evropiane dhe amerikanoveriore zënë vendet më të larta, ndonëse disa nga të parat, e ndër to Serbia (68) dhe Republika Çeke (50), renditen shumë më poshtë. Vendi në pozitën më të lartë i Lindjes së Mesme ishin Emiratet e Bashkuara Arabe në vendin e 15-të, ndërsa vendi aziatik në pozitën më të lartë ishte Singapori në vendin 18. Brazili është vendi me pozitën më të lartë në Amerikën e Jugut në vendin 32 dhe Afrika e Jugut është vendi me pozitën më të lartë në kontinentin afrikan, në vendin 45.
Në total, 80 vende u përfshinë në renditje. Kenia erdhi në fund të listës, e paraprirë nga Guatemala dhe Tunizia. /tesheshi.com/
