Besoj se ju ka shkuar mendja edhe më parë se ajri nëpër metro nuk është dhe aq i pastër, por ndoshta nuk e keni ditur se nga çfarë përbëhet konkretisht.
Sipas një studimi të vitit 2008, disa biologë nga Universiteti i Kolorados kanë vërtetuar se 15% e ajrit nëpër metro përbëhet nga qeliza të lëkurës së njerëzve.
Këto pjesë lëkure bien nga koka, bërrylat, duart, thembrat dhe nga veshët. Jo vetëm ajri është i ndotur nga këto qeliza, por dhe metrot në përgjithësi, sidomos mbajtëset dhe ulëset.
Christopher Mason nga Universiteti i Cornell-it analizoi pjesët e ndryshme të të gjitha metrove në qytetin e New Jorkut dhe bëri një hartë të baktereve, të cilën e publikoi në vitin 2015.
Në studimin e tij thuhet se ka gjetur shenja virusesh të sëmundjeve të ndryshme si: viruse murtaje, stafilokoke, meningjit etj. Megjithatë, këto baktere dhe viruse janë neutrale ndaj shëndetit njerëzor pasi nuk janë në gjendje të vetëplotësohen si baktere për të dhënë simptomat e sëmundjes. /tesheshi.com/
