Fëmijët e ngjizur nëpërmjet fertilizimit in vitro (IVF) kanë më shumë gjasa të vuajnë nga kancere të rralla të fëmijërisë, thuhet në një publikim të ri shkencor.
Hulumtimet e bëra kanë treguar se shtatzanitë me IVF kanë tendencë të kenë më shumë vështirësi, dhe fatkeqësisht prevalenca e kancerit tek fëmijët e ngjizur me këtë metodë ishte dokumentuar mjaft mirë.
Një ekip hulumtuesish nga Universiteti i Minesotës tha se kur ata e analizuan rrezikun e kancerit të fëmijërisë në mesin e fëmijëve të ngjizur nëpërmes metodës me IVF, arritën të vërenin se këta fëmijë kishin një rrezik prej 17 për qind më të lartë për zhvillimin e sëmundjeve malinje në dekadën e parë të jetës.
Ata gjithashtu vunë në dukje se shkalla e tumoreve ishte mbi 2.5 herë më e lartë në mesin e fëmijëve me IVF.
“Fëmijët e ngjizur me metodën IVF ishin gjithashtu 41 % më shumë të ekspozuar ndaj zhvillimit të tumoreve embrionale të sistemit nervor qendror, të cilat ndodhin kur qelizat embrionale mbesin në tru pas lindjes.
Të ashtuquajturat tumore qelizore, ose malignante në indet riprodhuese si testikujt ose vezoret, ishin më shumë se dy herë më të paraqitura te rastet me IVF.
Hulumtuesit arritën në përdundim të lidhnin regjistrin e lindjeve me regjistrin e fëmijëve të sëmurë me kancer, ku u analizuar gjetjet nga 14 shtete në SHBA.
Ekipi nga Minesota pastaj i lidhi të dhënat në regjistrat e kancerit të shteteve të njëjta për të gjetur kanceret e diagnostikuar midis 2013 dhe 2015, pastaj përzgjodhi rastësisht 10 fëmijë të ngjizur natyrshëm kundrejt atyre të ngjizur nga IVF. Ndërsa të dhënat treguan një rrezik dukshëm më të lartë të fëmijëve me IVF sa i përket zhvillimit të kancerit në fëmijëri, hulumtuesit theksuan se nuk mund të përcaktojnë 100 % nëse kjo ishte për shkak të metodës së ngjizjes, apo kishte të bëjë me infertilitetin e vet prindërve.
Ekipi i hulumtimit shqyrtoi të dhënat për 275,686 fëmijë të ngjizur me IVF dhe 2,27 milion fëmijë të ngjizur natyrshëm.
Ndërsa shkalla e kancerit ishte më e lartë për fëmijët e IVF, Logan Spector, profesor në Shkollën Mjekësore dhe anëtar i Qendrës së Kancerit, si dhe autori kryesor i studimit tha: “Në përgjithësi, këto rezultate janë të qarta për prindërit që kanë pasur fëmijë përmes IVF”. Studimi u botua në JAMA Pediatrics. /tesheshi.com/
