Ekzistojnë mijëra e-moji në dispozicion për përdoruesit e rrjeteve sociale me qëllim të identifikimit të vetes, duke filluar nga figurat aziatike e deri te ato të babadimrit e më gjërë.
Megjithatë, është një karakter emoji i të cilit akoma në ekziston, ajo me hixhab. Ndaj, një vajzë 15-vjeçare saudite ka vendosur që të bëjë diçka për këtë.
Rayouf Alhumedhi, e cila jeton në Berlin dhe është me prejardhje nga Arabia Saudite, i ka dërguar një propozim konsorciumit Unicode, një organizatë jofitimprurëse që përcakton standardet për këto piktograme, për një emoji me hixhab.
Duke folur për Washington Post, Alhumedhi tha: “Kam dëshiruar diçka që përfaqëson veten time, bashkë me miliona gra që veshin shami çdo ditë, dhe krenohen me veten e tyre për këtë”.
Propozimi i saj është mbështetur nga njëri prej themeluesve të Reddit, Alexis Ohanian dhe të dy po ashtu kanë filluar një peticion online.
“Ne përshëndesim Unicode për llojllojshmërinë e emoji-ve në vitet e fundit”, ka shkruar Alhumedhi në projekt-propozimin e saj. “Megjithatë, kjo nuk do të thotë se duhet të ndalet me kaq. Me gjithë nivelin e diversitetit në botë, kam menduar se edhe ne (gratë muslimane me hixhab) duhet po ashtu të përfaqësohemi”. /tesheshi.com/
