Në Konya të Turqisë është organizuar panair i përvitshëm i studentëve nga e gjithë bota, i organizuar nga Unioni i Shoqatave të Studentëve Ndërkombëtarë në bashkëpunim me institucionet vendase.
Ky është viti i 9-të që po organizohet jo vetëm në Konya, por edhe në 36 qytete të tjera të Turqisë, ndërsa organizimi final është me 15 maj në Stamboll ku pritet të merr pjesë edhe Presidenti Erdogan.
Qëllimi është prezantimi i kulturave dhe i traditave të vendeve nga vijnë.
Studentët shqiptarë thanë se përmes këtij organizimi në mënyrë të shkëlqyer është prezantuar kultura shqiptare përmes dy shteteve, Shqipërisë dhe Kosovës.
“Interesimi i vizitorëve ka qenë jashtëzakonisht i madh. Ata pyesnin për vendet turistike, objektet e vjetra të trashëgimisë kulturore; se çfarë sistemi të arsimit ka Kosova; për ekonominë, ushqimet tradicionale, veshjet kombëtare, raportet mes njerëzve, për gjendjen politike; a ka gjëra të përbashkëta mes Kosovës dhe Turqisë si në aspektin kulturor, fetar etj.,” u shprehen studentët kosovarë. /tesheshi.com/
