Në qytetin Kasim të Arabisë Saudite është organizuar panair i përvitshëm nën kujdesin e rektorit të universitetit të këtij qyteti. Në këtë panair po marrin pjesë ato shtete që kanë studentë të cilët i ndjekin studimet në universitetet e Arabisë Saudite. Janë diku rreth 15 shtete pjesëmarrës në këtë panair, ku studentet po i paraqesin kulturat e vendeve nga vijnë si veshjet tradicionale, ushqimet, jetesa, gjeografia etj.
Për të na folur më shumë rreth këtij organizimi, u kontaktua me studentin nga Shqipëria, Dorian Balliu që po përfaqësojnë bashkë me studentët nga Kosova kulturën dhe traditat shqiptare.
“Ky është panair i përvitshëm që organizohet nën kujdesin e rektorit të Universitetit të Kasimit. Në të po marrin pjesë ato shtetet që kanë studentë me studime në Universitete Arabisë Saudite. Në këtë panair kanë marrë pjesë 15 shtete. Në këto universitet studiojnë studente nga 50 shtete të ndryshme. Universiteti ka një numër të madh studentësh, afërsisht 85.000, ku 60% e të cilëve janë studente (vajza).
Aktualisht ka 40 fakultete dhe me shumë se 200 degë të ndryshme. Duke filluar nga ato fetare, edukative, sociale, shkencore, mjekësi, inxhinieri etj. Universiteti ka edhe disa patenta ndërkombëtare vlerësimi në degët inxhinieri, stomatologji, informatike, ekonomik etj.
Qëllimi i këtij aktiviteti është promovimi i kulturave të ndryshme të shteteve që përfaqësohen nga studentet e tyre në universitet, shkëmbim kulturash, njohje dhe përfaqësim. Ky është viti i dyte radhazi që ky aktivitet organizohet. Në të paraqiten, kultura, duke filluar nga veshjet tradicionale, ushqimet, jetesa, gjeografia, historia,” deklaroi Balliu për portalin ‘tesheshi’.
Përgatiti: Shkëlzen Rrecaj – /tesheshi.com/
