Kryeministri Rama reagoi ndaj rishfaqjes së studentëve në protesta para kryeminstrisë, duke mos u pajtuar me fenomenin e bllokimit të procesit mësimor në fakultete. Shefi i qeverisë aludon se tashmë protestat kanë të tjerë frymëzues.
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh #MeStudentët“-shkruan Rama.
Studentët u riderdhën në rrugë, jo në përmasat e javëve më parë, por po me atë narrativë, duke zhvlerësuar tërësisht paketën e ofruar nga qeveria për zgjodhjen e 8 kërkesave. Ata thjesht kërkojnë realizimin e 8 kërkesave. /tesheshi.com/
