Studentët e disa universiteteve të Tiranës kanë dalë sot në protestë përpara ambienteve të Kryeministrisë, duke kërkuar për të disajtën herë tërheqjen mbrapsht të ligjit për arsimin e lartë, edhe pse ai është votuar në Kuvend.
Tubimi nisi në orën 11:30 nga Korpusi i Universitetit Politeknik të Tiranës drejt Kryeministrisë dhe pritet të përfundojë në 13:30. Ata kanë kërcënuar me bojkotim të mësimit në muajin e parë të 2016, ndërsa nuk përjashtojnë edhe mbajtjen e një referendumi.
Studentët nuk e kanë pranuar ligjin për arsimin e lartë, të miratuar këtë verë, në Kuvend dhe janë ngritur disa herë në protesta, edhe para miratimit të ligjit, por me sa duket, zëri i tyre nuk është dëgjuar.
Këtë herë, ata paralajmërojnë bojkotin e mësimit në muajin janar, pas përfundimit të pushimeve dimërore./tesheshi.com/
