Dhjetra të rinj në Prishtinë, përgjithësisht studentë, protestuan para kishës ortodokse serbe në oborrin e Universitetit Shtetëror.
Ka qenë lëvizja “Studim, Kritikë, Veprim”, e cila e organizoi këtë protestë kundër këtij objekti kulti, që më shumë se i tillë, ngjan si një prani e imponuar serbe në zemër të kryeqytetin kosovar. 
Studentët vendosën një pllakatë në derën e kishës, por kjo ndodhi pas një përplasjeje mes tyre dhe policisë.
Kisha ortodokse serbe është ngritur që nga koha e Millosheviçit, aty nga fundi i viteve `90. E që atëherë, ajo ka mbetur e papërfunduar si objekt. Për opinionin kosovar, ajo përbën formën dhe strategjinë me të cilën Serbia kërkon të mbajë kontrollin mbi Kosovën, duke legjitimuar praninë e saj historike në ato troje me anë të simboleve të tilla.
Ngjashëm si kisha e Prishtinës, është dhe ajo në qendër të Ferizajt, ndërtuar po ashtu në fund të viteve ’90, e mbi të gjitha në truall pronë e xhamisë. Ajo rri ngjitazi me objektin e kultit islam, jo aq si tregues bashkëjetese, por si provë e dhunimit të “pronës së tjetrit” për shkaqe etnike dhe politike. /tesheshi.com/
