E teksa një grup studentësh janë ngujuar në formë proteste, te Juridiku e Ekonomiku, duke vijuar me “8 kërkesat” plus një shtesë – shfuqizimin e Arsimit të Lartë, kryeministri Rama ka preznatuar platformën online për punësimin e tyre, pjesë e Paktit për Universitetin. Por nga ana tjetër, ai u ka përcjellë një mesazh atyre që vijojnë të protestojnë, duke u kujtuar se kështu po bëhen pengesë për ata që duan të bëjnë mësim.
Unë mund të jem një person që dua të bëj mësim, kam paguar para, nuk më intereson protesta, qeveria e asgjë, dua mësim. Pedagogu ka për detyrë të vijë dhe të më japë mësim dhe s’më pengon asnjë, jo më çeta që nuk di se çfarë kërkon apo kërkojnë gjëra që s’kanë për t’u bërë kurrë dhe thonë jemi studentë… Shoh që ka shumë që kërkojnë të njëjtën gjë për masterin, por kjo nuk bëhet. Kemi bërë një përjashtim për ata me 9-a e 10-a dhe ata me ndihmë ekonomike. Masteri nuk është detyrim i shoqërisë për të paguar. Kush do ta bëjë Masterin, ta bëjë”, tha Rama.
Ndësa nga opozita, kreu isaj Basha ka reaguar në lidhje me ndërhyrjen e policisë në fakultetet e bllokuara.
“Kjo është një shkelje e ligjit, që ndalon praninë e policisë në universitetet publike. Është një shkelje flagrante e lirisë për të protestuar. Dënoj dhunën dhe i paralajmëroj të gjithë nga polici më i thjeshtë, te drejtori i policisë, ministri Lleshaj dhe vetë Edi Ramën për pasojat që do të ketë pushtimi i hapësirës universitare”, u shpreh Basha. /tesheshi.com/
