Deputeti demokrat Ervin Salianji i është vërvitur ashpër ministrit të Rendit Sandër Lleshaj, deri duke e quajtur “pupac”, referuar ndërhyrjes policore në fakultetet ku janë ngujuar një grup studentësh.
“Kur je pupaci i shefit, zgjedh pa problem të kesh partner krimin, jo studentët, zgjedh interesin personal për pushtet te KM dhe jo Kushtetutën dhe ligjin!”, shprehet shpengueshëm Salianji, nga pozita e një zëdhënësi të PD-së.
“Të trajtosh studentët si kriminelë dhe kriminelët si partnerë është zgjedhja e anës së gabuar. Në demokraci, politikani ka frikë ligjin dhe qytetarët, ministri i brendshëm i republikës duhet të kujdeset për rend dhe siguri, duke nisur nga sigurimi i protestës së qetë të studentëve”, vijon Salianji. /tesheshi.com/
