Protesta e sotme studentore nuk e ka patur masivizimin e ditëve të mëparshme, por ndërkohë është lëshuar prej tyre një ultimatum. Ata kanë kërkuar mbledhjen e parlamentit në një seancë të jashtëzakonshme, siç kanë thënë, për të plotësuar 8 kërkesat e tyre.
Reagimi i menjëhershëm ishte ai i kreut të grupit të PS-së, Taulant Balla, i cili ka shprehur gadishmërinë plotë, ama edhe me studentët prezentë.
“PO! Parlamenti mund te mblidhet neser me Kryeministrin dhe studentet, te cilet eshte koha te ulen e te mbyllin Paktin per Universitetin duke nisur nga miratimi i 8 pikave. Uroj qe studentet ta bejne kete pa humbur kohe dhe te kthehen ne shtepi me suksesin e protestes se tyre”, është shprehur Balla.
Më herët, edhe Rama u ofroi porcionin ditor të ftesës për dialog, duke zgjedhur Instatory-in me një gjetje origjinale.
