Gent Strazimiri, i cili u kthye nga opozita në viktimë zyrtare të deputetëve të krininalizuar tashmë është i pandehur zyrtarisht.
“Armëmbajtje pa leje, kundërshtim të forcave të policisë si dhe angazhim e organizim në protestë të paligjshme”, janë akuzuat me të cilat do të përballet deputeti i PD-së Gent Strazimiri. Prokuroria e Përgjithshme ka regjistruar padinë ë e policisë për deputetin demokrat ndërkohë që ka nisur hetimet edhe për parregullsitë e mundëshme në ndërtimin e projektit tëk Parku i Liqenit Artificial.
Sipas prokurorisë, emri i deputetit Strazimiri është shënuar në Regjistrin e Proçedimeve Penale të Prokurorisë së Përgjithshme në bazë të akteve paraprake të dorëzuara nga ana e Policisë Gjyqësore.
Përmes një njoftimit për shtyp, prokuroria sqaron se në materialete paraqitura nga policia është edhe deklarimi i shtetasit P.N., i paraqitur si ish-përfaqësues i një firme prodhimi armësh në Gjermani. Sipas deklarimit të tij, kompania që përfaqësonte, i ka dhuruar disa vite më parë një sasi armësh Ministrisë së Brendshme, një prej të cilave pretendon se është në posedim të deputetit Gent Strazimiri dhe ekspozuar prej tij në ngjarjen e datës 28.03.2016, në zonën e Liqenit Artificial, Tiranë. Ndërkohë, Prokuroria po vijon hetimet për persona të tjerë të përfshirë në ngjarjen e datës 28.03.2016, ashtu edhe për ligjshmërinë e projektit të ndërtimit të këndit të lojërave në zonën e Liqenit Artificial, në bazë të kallëzimit të dorëzuar nga përfaqësues të Shoqërisë Civile”, thesohet në deklaratën e Prokurorisë së Përgjithshme.
/tesheshi.com/
