Sekretari i Përgjithshëm i NATO-s, Jens Stoltenbreg mirëpret iniciativat për vazhdimin e dialogut midis Serbisë dhe Kosovës, si mënyra e vetme për një zgjidhje.
“Unë e mirëpres faktin që përfaqësuesit e Kosovës dhe të Serbisë po flasin, sepse mënyra e vetme për të zgjidhur sfidat në rajon dhe mosmarrëveshjet në lidhje me Kosovën janë bisedimet për një zgjidhje politike”, tha ai.
Pas dy ditësh bisedimesh midis ministrave të mbrojtjes të NATO-s, ai tha se nuk dëshiron të spekulojë rezultatin e takimit të përfaqësuesve të Serbisë dhe Kosovës, të organizuar nga Shtetet e Bashkuara, më 27 qershor, por gjithashtu theksoi se ai mirëpriti dialogun.
“Unë nuk mendoj se është e lehtë, por është e rëndësishme që ata të takohen. Eshtë e rëndësishme që, pas një periudhe të gjatë pa një takim të vërtetë, dialogu të vazhdojë, dhe ky është hapi i parë në drejtimin e duhur,” tha Stoltenberg.
Ai vlerëson se si Serbia ashtu edhe Kosova kanë pranuar që tensionet duhet të zvogëlohen dhe se duhet të gjendet një mënyrë për përparim.
Sekretari i Përgjithshëm i NATO-s thekson që Aleanca vazhdon të jetë e pranishme në Kosovë me 3.000 deri në 4,000 anëtarë, të cilët ofrojnë një mjedis të sigurt për të gjitha grupet në Kosovë. /tesheshi.com/
