Sekretari i Përgjithshëm i NATO-s, Jens Stoltenberg po qëndron në Zelandë të Re, ku dhe vizitoi xhaminë e Christchurch, aty ku muaj më parë ku një person i armatosur mori jetën e 51 besimtarëve në ditë xhumaje.
Ai tha se “rastet e izoluara” apo siç njihen në botën perëndimore si “ujqërit e vetmuar”, inspirojnë njëri-tjetrin me veprimet e tyre. Komentet e tij erdhën në një kohë kur Amerika po vajton dy tragjedi që ndodhën këtë fundjavë, ku 20 njerëz mbetën të pajetë në Teksas dhe Ohio nga sulmues të armatosur.
“Këto sulme janë kryer nga ‘ujqërit e vetmuar’ por janë të lidhura mes vete sepse inspirojnë njëri-tjetrin”, tha Stolenberg.
“Këto na kujtojnë se duhet ta luftojmë terrorizmin në mënyra të ndryshme dhe me mjete të ndryshme”, tha ai.
Shefi i NATO-s bëri thirrje për kontrolle më të forta ndaj armëve dhe ngriti shqetësimet për ringjallje të nacionalizmit të bardhë dhe politikës ksenofobe. /tesheshi.com/
