Sekretari i Përgjithshëm i NATO-s Jens Stoltenberg tha të mërkurën se ai i kishte kujtuar presidentit armen Sargsyan se Aleanca nuk ishte palë në konfliktin e Nago-Karabakut.
Stoltenberg dhe Sargsyan dhanë një deklaratë për gazetarët pas një takimi në selinë e NATO-s në Bruksel.
“I kujtova presidentit (Sargsyan) se NATO nuk është pjesë e këtij konflikti,” tha Stoltenberg, duke shtuar se ata diskutuan situatën në Nago-Karabak.
Siç tha ai, Azerbajxhani dhe Armenia kanë qenë partnerë të vlefshëm të NATO-s për më shumë se 25 vjet.
Duke theksuar se NATO ishte e shqetësuar për shkeljet e armëpushimit, Stoltenberg theksoi rëndësinë e dhënies fund të mosmarrëveshjeve, lehtësimin e vuajtjeve dhe gjetjen e një zgjidhje paqësore.
Ai u bëri thirrje të dy palëve që t’i përmbahen armëpushimit dhe tha se ata dëshironin që tensioni të ulej sa më shpejt të jetë e mundur.
“Marrja e civilëve si shënjestra është e papranueshme dhe duhet të ndalet menjëherë. Të gjithë duhet të punojnë për një zgjidhje të qëndrueshme politike. Armenia dhe Azerbajxhani duhet të vazhdojnë negociatat,” tha Stoltenberg.
Ai gjithashtu falënderoi Armeninë për kontributin e saj në misionet dhe operacionet e NATO-s. /tesheshi.com/
