Jens Stoltenberg, Sekretari i Përgjithshëm i NATO-s, tha në një intervistë për “The Guardian” se situata aktuale është e paparashikueshme dhe më e vështirë, për shkak të kërcënimeve bërthamore dhe terrorizmit.
Sipas tij, kërcënimi bërthamor i Kim Jong Un në Korenë e Veriut dhe 100,000 trupat ruse që pritet të mobilizohen në kufijtë lindorë të BE-së, po nxisin krizën.
“Ne kemi përhapjen e armëve të shkatërrimit në masë në Korenë e Veriut, kemi terroristët, mungon stabiliteti dhe kemi një Rusi më kategorike. Është një botë më e rrezikshme”, shtoi ai.
Sekretari i Përgjithshëm Stoltenberg i bëri këto komente gjatë një pushimi, nga vizita që i bëri trupave britanike në Estoni, të cilët po përgatiten për stërvitjen më të madhe ushtarake që nga Lufta e Ftohtë në Baltik. /tesheshi.com/
