Sekretari i Përgjithshëm i NATO-s Jens Stoltenberg, tha që asnjë anëtar i organizatës nuk kishte pësuar aq sulme terroriste, siç kishte ndodhur ndër vite e dekada me Turqinë.
Në një intervistë për gazetën gjermane Bill dam Sonntag, Stoltenberg theksoi se dhuna ishte zvogëluar në veri të Sirisë dhe se situata e shfaqur ishte e favorshme për zgjidhjen politike të krizës në Siri.
“Ne duhet ta pranojmë Turqinë si një aleat jashtëzakonisht të rëndësishëm këtu. Turqia ka dhënë një kontribut të madh në luftën kundër organizatës terroriste ISIL dhe shkatërrimin e të ashtuquajturit kalifat të saj. Askush nuk ka pësuar shqetësime nga refugjatët sa Turqia, e cila ka marrë 3.6 milion sirianë dhe asnjë anëtar i NATO-s ishte shënjestra e aq shumë sulmeve terroriste sa Turqia”, tha Stoltenberg.
Stoltenberg gjithashtu tha se ai mirëpriti apelin e ministres gjermane të Mbrojtjes, Annegret Kramp Karrenauer për krijimin e një zone ndërkombëtare të sigurt në veri të Sirisë, dhe tha se e gjithë bashkësia ndërkombëtare kishte një përgjegjësi për t’u marrë me krizën në atë vend.
Njeriu i parë i NATO-s tha më tej se ai ishte i vetëdijshëm se vendimi për të dërguar një ushtri në Siri nuk ishte i lehtë për asnjë vend dhe se për këtë arsye ishte herët të flitej për zbatimin e idesë gjermane. /tesheshi.com/
