Sulmuesi i krahut shënoi pak pasi zëvendësoi Philippe Coutinho-n e dëmtuar, duke i dhënë në minutën e 37-të epërsinë Liverpool-it ndaj Stoke City-t, epërsi që u ruajt deri në fundin e gjysmëfinales së parë të Kupës së Ligës.
Liverpulasit e Jurgen Klopp-it bënë një paraqitje fenomenale, por gjatë ndeshjes humbën dy futbollistët kryesorë të skuadrës, Philippe Coutinho-n dhe Dean Lovren-in, të cilët pësuan lëndime, duke u detyruar ta lënë fushën e blertë.
Ndeshja e kthimit mes këtyre dy skuadrave do të luhet më 26 janar.
Sonte zhvillohet gjysmëfinalja tjetër e këtij aktiviteti, ajo mes Everton-it dhe Manchester City-t, që nis në orën 21:00. /tesheshi.com/
