Zv.kryeministri i Kosovës, Branimir Stojanoviq ka kërkuar që objektet e Kishës Ortodokse serbe të Kosovës të ruhen edhe nga pjesëtarë të KFOR-it.
Ai thotë se këto objekte, që janë në listën e UNESCO-s, por edhe ato që nuk janë, duhet të sigurohen mirë.
Stojanoviq përmes një kumtese për media ka vlerësuar veprimin e përbashkët të KFOR-it dhe policisë që arrestoi katër persona në afërsi të Manastirit të Deçanit.
“Dikush që shëtitet me kallashnikov dhe me aq shumë municion, sigurisht se nuk ka qëllime të mira, kushdo qoftë”, ka deklaruar ai.
Zv.kryeministri serb ka apeluar tek organet kompetente të hetojnë kush janë ata dhe cili ishte qëllimi i tyre.
Ai njehërit përmes një kumtese për media ka vlerësuar se situata e sigurisë është shumë jostabile. /tesheshi.com/
