Blendi Gonxhe ka vendosur të mos jetë një drejtor klasik burokrat, e kjo shihet nga mënyra se si komunikon me publikun ky ish-dhjetorist me famë, ndër të rrallët me detyrë shtetëtore pas 30 vitesh dhe me sinjale të qarta që do jetë një ndër trashëgimtarët e Ramës, siç ishte një nga studentët e përkëdhelur të Ramës, në pushtetin e ardhshëm të PS-së.
Së fundi, drejtori i DPSHTRR ka postuar një apel prindëror mbi kujdesin ndaj fëmijëve në automjet.
“Një numër befasues prindërish vendosin jetët e fëmijëve të tyre në rrezik kur drejtojnë makinën, duke mos përdorur ndenjëset e posaçme për fëmijë, duke udhëtuar të pasiguruar me rripa sigurimi e duke ngarë mjetin me fëmijë në këmbë a në prehër, apo duke i ulur fëmijët në sediljet përpara jo konform normave!”, shkruan Gonxhe në Facebook.
Kujtojmë se Gonxhe e nisi karrierën politike krah Ramës si zv.kryetar bashkie, pastaj pati një shkëputje mes tyre për disa vite, gjë që ui komentua dhe si çarje apo ftohje, deri kur me ardhjen e Veliajt në Bashki, Gonxhe do merrte drejtimin e sektorit të argëtimit, duke menaxhuar fillimisht dhe parkun e ri te Liqeni për të cilin pati një sherrnajë politike.
Vitet e fundit Gonxhe po drejton Transportin Rrugor, me një stil krejt ndryshe, i paparë deri më sot për një drejtor institucioni, ndërkohë që ka një prani të shtuar në media, deri në faktorizim, si komentator politik. /tesheshi.com/
