“Asgjë nuk është publikuar nga bombat e Zaevit në krahasim me atë çka posedon LSDM-ja si dëshmi për funksionarë të lartë të partive në pushtet.” Në këtë rast, ish-kandidati i LSDM-së për kryetar shteti, Stevo Pendarovski, gjatë paraqitjes së tij në emisionin “10 Minuta” të kanalit televiziv TV 21, thotë për “bombat” e LSDM-së se në çka nuk është transmetuar ka punë dhjetë herë më të pakëndshme, më të vështira, por edhe më jonormale, nga ato që janë publikuar, veçse ato nuk duhen keqpërdorur nga cilido aktor politik për qëllime politike.
Ai thotë se me hetime minimale pret që prokurorja speciale të ngrejë dhjetëra padi. “Mendoj se ajo, dhe tërë ekipi i saj, do ta kenë të lehtë të hartojnë së paku dhjetë padi kundër udhëheqësve të lartë politikë në Maqedoni, sepse, edhe pse janë vetëm gjurmë, nuk janë dëshmi mbi të cilat mund të bazohet një vendim i gjykatës, apo akuzë. Eshtë e qartë se bëhet fjalë për një gjendje të dukshme, në të cilën me pak hulumtime të dëshmitarëve, dokumentave, e të gjurmëve të parave, ju mund të shkoni tek ata për të cilët dyshoni se kanë kryer vepër penale,” theksoi Pendarovski.
Ai u ndal edhe tek gjendja momentale e sigurisë, në lidhje me burosjet e fundit në Kumanovë, në “Lagjen e Trimave”. Ai shprehet se duhet të hulumtohen deri në fund të gjitha dyshimet që janë nën hije të krizës politike. “Atje puna është gjithçka, përveçse e pastër, i gjithë aksioni. Në emër të 18 njerëzve të cilët humbën jetën, në emër të 18 varreve, pavarësisht në janë të Maqedonisë apo nga jashtë, ky shtet dhe të gjithë aktorët politikë që gjenden sot në qeverisje, si dhe të gjithë ata që nesër do të jenë, mendoj se kanë borxh t’u japin përgjigje jo vetëm familjeve, por edhe gjithë publikut demokratik,” nënvizoi Pendarovski.
Stevo Pendarovski deklaroi në emisionin “10 Minuta” se presioni i faktorit ndërkombëtar është fuqia e vetme lëvizëse në procesin e bisedimeve. /tesheshi.com/
