Rreth 220 forca speciale nga Shqipëria dhe shtatë vende të rajonit u mblodhën në fshatin Bizë të Tiranës për të marrë pjesë në një stërvitje të forcave speciale.
Gjatë stërvitjes ‘Strong Balkan-23’, e cila zhvillohet për herë të parë në Shqipëri, testohen aftësitë personale dhe grupore të Forcave të Armatosura, si në tokë ashtu edhe në ajër, raporton ATA.
Në kuadër të stërvitjes ka pasur edhe hedhje me parashutë, mes të cilëve edhe pjesëtarë të forcave speciale shqiptare të cilët janë hedhur nga helikopteri nga lartësia 1524 metra.
Ushtarët u trajnuan gjithashtu për trajtimin e eksplozivëve dhe gjuajtjen me snajper nga një distancë prej 1000 metrash.
Stërvitja “Ballkani i fortë 23’ po mbahet për herë të parë në Shqipëri. Në këtë stërvitje marrin pjesë forca speciale nga tetë vende të Ballkanit.
Ky trajnim synon të rrisë nivelin e gatishmërisë si dhe të përfitojë nga trajnimet taktike, operacionale dhe strategjike, në mënyrë që pjesëmarrësit të përballen me sfidat komplekse që paraqet mjedisi i sotëm i sigurisë. /tesheshi.com/
