Sulmuesi i Manchester City-t, Raheem Sterling, u bë lojtari më i paguar i futbollit anglez, pasi nënshkroi një kontratë të re 5-vjeçare me klubin me një pagë javore prej 340,000 euro.
Deri më tani Sterling ka fituar rreth 200,000 euro në javë.
Gazetarët kanë llogaritur se Sterling do të bëhet futbollisti i parë anglez që do arrijë të fitojë më shumë se 120 milionë euro duke llogaritur pagat, shpërblimet dhe kontratat tregtare deri sa të mbushë 25 vjeë.
Futbollisti i ri njoftoi se do të hapë një akademi futbolli për fëmijët e varfër vitin e ardhshëm në Londër.
Sterling filloi karrierën e tij në Queens Park Rangers, pastaj luajti për Liverpoolin dhe në vitin 2015 shkoi në Manchester City për 50 milionë euro.
Ai ka luajtur 46 ndeshje për ekipin kombëtar anglez, duke shënuar katër gola. /tesheshi.com/
