Sterilizimi: SPAK akuzon Beqjan, por dhe anasjelltas

Ka qenë i trishtueshëm mëngjesi i kësaj të hëne për ish-ministrin e Shëndetësisë Ilir Beqaj, pasi në SPAK i është komunikuar akuza shpërdorim detyre kryer në bashkëpunim për koncesionin e sterilizimit.

Ai ka reaguar duke thënë se nëse SPAK do hetonte, do nxirrte koncesionin e sterilizimit me përfitim për shtetin, pasi sipas tij janë kursyer para nga koncesioni dhe ka përfituar çdo shqiptar.

Beqaj tha se prokurorët nuk hetuan periudhën nga prilli 2010 deri në shtator 2013 dhe faktin se pse centrali i sterilizimit nuk u vu në punë për tre vite.

Ai theksoi se prokuroria në 50 muaj nuk ka hetuar elementët kryesorë, për uljen e përdorimit të antibiotikëve, uljen e qëndrimit në spital dhe se operacionet kryeshin në kushte të sigurta.

“Garantimi i kujdesit shëndetësor e kam pasur detyrim dhe mision. Të përdorësh me efiçensë fondet, është detyrë. Por t’i përdorësh me efiçensë është akoma më e mirë. Prokuroria në 50 muaj nuk ia doli të hetojë procesin e sterilizimit, uljen e ditëve të përdorimit të antibiotikut në spital. Janë kursyer para. Të vërtetën time do ta përballoj në gjykatë ku do dalë e vërteta e përfitimit që ka përfituar çdo shqiptar”, th ai.

Ndaj tij është caktuar masa e sigurisë “Detyrim për t’u paraqitur” para një hetuesi apo oficeri të Policisë Gjyqësore një herë në javë. Gjithashtu, Ilir Beqajt i është komunikuar dhe masa e dytë “Ndalim i daljes jashtë vendit”. /tesheshi.com/