Janë zbardhur detaje nga dosja e SPAK për koncesionin e sterilizimit, ku nën hetim janë ish-ministri i Shëndetësisë Ilir Beqaj, ish-zëvendësi i tij Klodian Rjepajn, biznesmeni që fitoi tenderin, Ilir Rrapaj, si edhe gjashtë të pancdehur të tjerë.
Tashmë të gjithë pritet të shkojnë në gjykim.
Por ku e ka shkelur kjo treshe?
Ja ç’thuhet në një pjesë të sqarimit publik nga:
“Gjatë gjithë periudhës përgatitore të projektit, procedurën e tenderimit dhe dhënies së koncensionit deri në firmosjen e kontratës koncensionare, i pandehuri Klodian Rjepaj ka bashkëpunuar ngushtësisht me te pandehurin Ilir Rrapaj, me qëllim shpalljen fitues të operatorëve ekonomikë, ku pjesëmarrës është me 40% subjekti tregtar ‘Investital Llc’, me përfaqësues po të pandehurin Ilir Rrapaj.
Për këto veprime, të pandehurit Klodian Rjepaj dhe Ilir Rrapaj, provohet se kanë konsumuar elementët e veprës penale të ‘Mashtrimit’, e kryer në bashkëpunim dhe me pasoja të rënda, të parashikuara si vepra penale nga nenet 143/2, 3, të K.Penal.
Ish-Zv/ministri i Shëndetësisë Klodian Rjepaj, në cilësinë e Kryetarit të Komisionit të Dhënies së Koncensionit, si personi i cili ka bërë pasqyrat financiare dhe studimin e fizibilitetit, në bashkëpunim me anëtarët e tjerë të komisionit Marsela Serjani, Petro Mersini, Arben Gjata, Saimir Kadiu, Genc Burazeri dhe Naile Ajazi, për të gjitha veprimet ose mosverpimet e sipërcituara, provohet plotësisht se kanë konsumuar elementët e veprave penale të ‘Falsifikimit të dokumentave’, e kryer në bashkëpunim dhe ‘Shpërdorimit të detyrës’ e kryer në bashkëpunim, të parashikuara nga nenet 186/3 – 25 dhe 248 – 25 të Kodit Penal, pasi me veprime aktive, kanë ligjësuar këta dokumente me të dhëna të pavërteta.
Për veprimet ose mosveprimet që kanë të bëjnë me miratimin dhe nënshkrimin e kësaj kontrate koncensionare, duke i miratuar ato në kundërshtim me rregullat dhe aktet ligjore e nënligjore të zbatueshme për konçesionet, rezulton e provuar plotësisht, se ish Ministri i Shëndetësisë, i pandehuri Ilir Beqaj, ka konsumuar elementët e veprës penale të ‘Shpërdorimit të detyrës’, e kryer në bashkëpunim, me Klodjan Rjepajn, të parashikuara nga 248 -25, të Kodit Penal”.
E megjithatë, ndryshe nga figura të tjera politike pas hekurave, Beqja është ende në liri, në shtëpinë e tij. /tesheshi.com/
