Shefi i diplomacisë gjermane, Frank Walter Steinmeier dhe homologu i tij shqiptar Ditmir Bushati, gjatë një takimi që kanë zhvilluar në Berlin kanë diskutuar mbi situatën e rëndë në maqedoni duke kërkuar nga krerët e Shkupit zgjidhjen e menjëhershme të krizës.
Siç bën të ditur Ministria e Punëve të Jashtme shqiptare në një njoftim për shtyp, ministri i Jashtëm gjerman than ë konferencën e përbashkët për shtyp se:
“Kush hedh një vështrim këto ditë për nga vendet e rajonit të Ballkanit, nuk do të shohë vetëm se në Serbi janë organizuar zgjedhjet, por edhe në vendin fqinj Maqedoni, pothuajse çdo ditë po shtohen nëpër rruge irritime, protesta dhe konflikte. Prandaj tema Maqedoni na preku shumë sot në mëngjes, dhe për këtë diskutuam së bashku se çfarë mund të bëjmë që të evitojmë konfliktet e mëtejshme të dhunshme në Maqedoni.
Që të dy shprehim keqardhjen se përpjekjet intensive nga BE dhe veçanërisht të Komisionerit Hahn, i cili është i angazhuar prej muajsh dite e natë dhe është përpjekur në bisedime me palët në konflikt për të gjetur një zgjidhje dhe garantuar legjitimitetin e zgjedhjeve të ardhshme po minohen nga politikanët vendas”.
Ndërkaq, Steinajer i është kthyer Shqipërisë ku ka kërkuar miratomin e menjëhershëm të reformës në drejtësi.
“Unë e di që Edi Rama dhe ju jeni të angazhuar që pjesa e rëndësishme e reformës në drejtësi të përfundojë. Kur ndërmerren ndryshime në institucione, ka edhe kundërshtime nga vetë ato. Shpreh respekt për gatishmërinë që ekziston në Shqipëri për të tërhequr një ekspertizë sa me të gjerë ndërkombëtare, me qellim që të kryhet një reformë sa më e gjerë e gjyqësorit. Tashmë kjo ka marrë formën e një propozimi të një reforme të balancuar të gjyqësorit dhe tani është momenti që kjo reformë të bëhet realitet”.
Ministri Steinmeier konfirmoi se së shpejti do të vizitojë Tiranën.
Kurse Ditmir Bushati nga ana e tij i ka bërë apologi Angela Merkelit dhe qeevrisë gjermane.
“Nuk ka pikë diskutimi për askënd nga ne në rajon se falë lidershipit gjerman, i çiftëzuar dhe i harmonizuar me një lloj dëshire për të ecur përpara, sot per sot rajoni ynë, pavarësisht se përballet me sfidat e shtet-ndërtimit demokratik, ka kaluar disa prej sfidave që kanë të bëjnë me stabilitetin rajonal.
I shpreh mirënjohjen serish në emër të popullit shqiptar për mbështetjen, për ekspertizën, për kontributin e taksapaguesve gjermanë në proceset e shtet-ndërtimit demokratik, për ekspertizën që kanë dhënë në reformën në drejtësi që shpresojmë të jetë në fazën e saj finale përpara se të bëhet realitet dhe për asistencën e vyer të agjencive gjermane që kanë dhënë gjatë kësaj kohe në Shqipëri”, deklaroi Bushati.
/tesheshi.com/
