Ministri i Brendshëm serb, Nebojsha Stefanoviç, ka paralajmëruar incidente në vizitën e presidentit Bujar Nishani në Luginën e Preshevës.
Stefanoviç tha se se shpreson të mos ketë kurrfarë provokime, por shtoi që ka të dhëna se do të ketë të tilla.
Stefanoviç theksoi në një konferencë shtypi në Beograd se detyra e Serbisë është që të mos lejojë tensione që do të rrezikojnë sigurinë e qytetarëve.
“Ne do të përpiqemi që edhe kjo vizitë të kalojë pa probleme.
Kur tek ne vjen një mysafir, askush nuk e linçon, nuk e vret, nuk e keqtrajton; ata ndjehen të mirëseardhur dhe të sigurtë në territorin tonë”, tha Stefanoviç. /tesheshi.com/
