Afrimi i mesfushorit francez, Blaise Matuidi do të thotë që Juventus do të largojë një mesfushor.
Dhe duket se italiani, Stefano Sturaro duket se ka bërë gati valixhet për të braktisur ‘Zonjën e Vjetër’.
24-vjeçari kërkon një skuadër ku mund të luajë rregullisht, pasi te Juventus nuk do ta ketë këtë mundësi.
‘Calciomercato’ ka raportuar se Sturaro ka refuzuar kalimin në Premier League ku u kërkua nga Leicester City, Crystal Palace dhe në kampionatin rus tek Zenit St Petersburg.
E ardhmja e tij pritet të jetë përsëri në kampionatin italiane Serie A.
Atalanta, Fiorentina, Lazio dhe Genoa janë katër skuadrat që kanë shprehur interesim për transferimin e lojtarit.
Favorit për t’i siguruar shërbimet e tij mbetet Atalanta që e kërkon si huazim me të drejtë blerje për 13 milionë euro. /tesheshi.com/
