Aktori i humorit Julian Deda, i njohur për angazhimin e tij publik në denoncimin politik të qeverisjes Rama, ka postuar një foto shoqëruar nga statusi respektiv, ku thuhet:
“Zonja dhe zotrinj, kjo eshte Rruga e Kombit, 170 km e gjate. Ky segment, qe shihni ne foto ka te njejten gjatesi me ate te unazes se madhe, qe rilindja me zi po e perfundon pas 4 vitesh ne ç’pushtet”
Pa iu futur tekstit, ku mundet që autori të ketë dhe të drejtë, ajo që përbën humor në këtë rast është fotoja, pamja brenda saj, e cila nuk i përket aspak Rrugës së Kombit.
Rruga e Kombit ka vërtet plot spektakël inxhinerik, ngjashëm si në këtë foto, por ja që nuk është ajo.
Mjaft të vihet re që poshtë urës së reklamuar, nuk ekizston askund një gjelbërim i tillë përgjatë gjithë gjatësisë shqiptare të Rrugës së Kombit.
Dhe kjo ndodh teksa foto të Rrugës së (vërtetë) Kombit, ka plot në internet, e cila mund të shërbente si ilustrim për tekstin denoncues, përfshirë dhe ato të segmenteve ku rruga ka mbetur ende me një korsi, sidomos në aksin Kukës – Morinë.
Kujtojmë se ditë më parë, Presidenti Nishani i dha Julian Dedës titullin “Mjeshtër i Madh”. Jo vetëm atij, por dhe Rozana Radit. /tesheshi.com/
