A e dinit se polakët përfaqësojnë përqindjen më të lartë të popullsisë së lindur jashtë territorit në Norvegji? Apo që proporcioni më i madh i emigrantëve në Republikën e Irlandës vijnë nga Mbretëria e Bashkuar?
Katër hartat e mëposhtme, të krijuara nga Jakub Marian, linguist, matematikan dhe artist çek bazohen në një studim të vitit 2015 nga Kombet e Bashkuara për emigracionin në shkallë ndërkombëtare. Ato tregojnë emigracionin europian të ndarë në shifra të ndryshme.
- përqindja e popullsisë në secilin vend që përbëhet nga emigrantë të lindur jashtë territorit
- vendi që del më shpesh si origjinë e këtij numri emigrantësh
- ecuria e numrit të emigrantëve përgjatë pesë vjetëve
- popullsitë migratore që po shtohen më shpejt
Harta e parë
Në dritën e votës Brexit, dis amund të presin që Britania e Madhe të figurojë tek vendet e para në këtë hartë që tregon popullsitë migratore në secilin vend europian. Mirëpo nuk është kështu. Popullsia me përqindjen më të madhe të njerëzve që nuk kanë lindur në këtë vend është Luksemburgu, me 45,9 për qind, ndjekur nga Zvicra me 29,6 për qind, Suedia me 18.5 për qind, Estonia me 15.8 për qind dhe Gjermania me 14.5 për qind.
Britania e Madhe renditet me 13. 4 për qind. Duke përdorur të dhëna nga Eurostati për aplikimet për azil midis janarit 2015 dhe qershorit 2016, Marian ka treguar përmes hartës se cilat vende janë ndikuar më së shumit nga kriza e refugjatëve në Europës. Austria dhe Suedia janë të vetmet vende europiane që regjistrojnë 1 për qind rritje të popullsive të tyre që nuk kanë lindur në vend, ndërsa Gjermania shfaq më pak se 1 për qind rritje.
Harta e dytë
Pjesa më e madhe e emigrantëve në Britaninë e Madhe në vitin 2015 vinin nga India, për Norvegjinë nga Polonia, dhe për Austrinë dhe Zvicrën nga Gjermania fqinje. Pjesa më e madhe e të huajve të lindur jashtë vendit në Irlandë vijnë nga Britania e Madhe.
Emigrantët e Francës, Spanjës dhe Portugalisë në pjesën e tyre më të madhe si popullsi emigrante në këto vende vijnë nga vende më të jug, si Algjeria, Maroku dhe Angola, respektivisht. Për Greqinë dhe Maqedoninë, sipas hartës së përpiluar janë shqiptarët, por me siguri autori nuk e ka ditur se shqiptarët janë vendas në Maqedoni, dhe as historinë e ndërtimit të shtetit të Maqedonisë.
Polonia dhe republika Çeke kanë më shumë emigrant në territorin e tyre që vijnë nga Ukraina. Në shumë vende të Europës Lindore, Rusia ka furnizuar pjesën më të madhe të emigrantëve.
Harta e tretë
Harta e tretë e Marian tregon trazita politike të pesë vjetëve të fundit që kanë ndikuar në të dhënat e emigracionit.
Trendi i vënë re në hartën e parë vijon edhe në të tretën. Për shembull, Luksemburgu, Zvicra, Suedia, Austria dhe Norvegjia që kishin përqindjen më të lartë të të huajve krahasuar me popullsinë vendase, duket sesi kanë edhe rritjen më të madhe të popullsive emigrante në vitet nga 2010 deri në vitin 2015. Pas tyre, ndjekin ngushtë Britania e Madhe dhe Finlanda.
Vendet me popullsitë emigratore që zgjerohen duke u vendosur në vende të tjera janë Polonia, Serbia, Gjermania dhe Rumania.
Harta e katërt
Në hartën e katërt dhe të fundit, Marian shqyrton zgjerimin e popullsive emigrante në pjesën më të madhe të vendeve duke krahasuar shifrat me ato të OKB-së nga viti 2010, me ato të 2015-ës.
Disa vende si Polonia apo Greqia tregojnë ulje të popullsive emigrante si përqindje të popullsisë së përgjithshme. Për rreth gjysmën e vendeve europiane trendi mbetet pak a shumë i njëjtë me të dhënat e viteve të mëparshme, përshirë indianët shumicë në Britani, britanikët shumicë në Irlandë dhe polakët shumicë në Norvegji.
Diferencat në vende të tjera përfshijnë më shumë kubanezë në Spanjë, ku më parë popullsi dërrmuese nga emigracioni ishin marokenët. Më pak rusë po lëvizin në vendet e Europës Lindore dhejanë në rritje sirianët si përqindje e popullsisë së Suedisë.
Megjithatë, të dhënat sidomos ku vihet re rënie, mund të ndikohen edhe nga reduktimi i përgjithshëm i popullsisë si e tërë në vendet europiane.
Përgatiti: Juli Prifti – /tesheshi.com/
