Rritet ndjeshëm fluksi i hyrje-daljeve ndërmjet Shqipërisë dhe Kosovës. Për vitin 2015, kanë kaluar Rrugën e Kombit rreth 730794 persona më shumë se në vitin 2014.
Fakt ky që tregon se Rruga Durrës- Kukës dhe Vërmicë-Prishtinë po kthehet gjithnjë e më shumë në një arterie që sjell dhe gjeneron të ardhura.
Siç bën të ditur Policia e Kosovës, viti 2015 në vendkalimet kufitare Kosovë-Shqipëri ka shënuar rritje të fluksit të njerëzve në hyrje-dalje gjithësej 26.75% – në hyrje 30.2% e në dalje 23.3%, si dhe të automjeteve 14.1%, krahasuar me 2014-tën.
Për 2015-ën, sipas këtyre të dhënave janë regjistruar 5 milionë e 412, 238 hyrje-dalje të personave dhe 1 milionë 849,987 hyrje-dalje të automjeteve.
Në tre venkalimet kufitare Vërmicë-Morinë, Qafë Prush dhe Qafë Morinë në 2015-tën kishte 2,955,026 hyrje dhe 2,457,212 dalje të personave, si dhe 961827 hyrje e 888160 dalje të automjeteve.
Në 2015-tën, për personat, në Vërmicë-Morinë kishte 4,680,444 hyrje-dalje – 2,540,986 hyrje e 2,139,458 dalje; në Qafë Prush 262,017 hyrje-dalje – 158,759 hyrje e 103,258 dalje; në Qafë Morinë 469,777 hyrje-dalje – 255,281 hyrje e 214,496 dalje.
Për automjetet, në Vërmicë-Morinë kishte 1,532,933 hyrje-dalje -791,049 hyrje e 741,884 dalje; në Qafë Prush 119887 hyrje-dalje – 65166 hyrje e 54721 dalje; në Qafë Morinë 197167 hyrje-dalje – 105612 hyrje e 91555 dalje.
Mes Shqipërisë e Kosovës, më shumë se 2.7 milionë (2732089) hyrje dalje të personave kishte vetëm gjatë tre muajve të verës 2015 – në qershor, korrik e gusht.
Sipas Qendrës Kombëtare për Menaxhim Kufitar të Kosovës, në kufirin Kosovë-Shqipëri, vendkalimin kryesor nëpër autostradën e kombit, në Vërmicë-Morinë, në këto momente në hyrje kalohet për 03-05 minuta e në dalje për 10-15 minuta. Në dy vendkalimet tjera, Qafë të Prushit dhe Qafë të Morinës, nuk ka pritje, kalohet për më së shumti tre minuta.
/tesheshi.com/
