Nga Usaid Siddiqui, Al Jazeera
Varreza masive, spitale të shkatërruara, mijëra civile të vrarë, dhe pothuajse e gjithë infrastruktura e shkatërruar totalisht. Kjo është panomara e përgjitshme në Gaza, ndërsa lufta e Izraelit në enklavën e rrethuar bregdetare palestineze hyri të martën në ditën e saj të 200-të.
Izraeli filloi ofensivën e tij brutale ushtarake më 7 tetor pas një sulmi vdekjeprurës nga luftëtarët e Hamasit. Rreth 240 njerëz u kapën robër në jug të Izraelit dhe 1,139 u vranë nga luftëtarët palestinezë. Gati 85 për qind e 2.3 milionë banorëve të Gazës janë zhvendosur dhe më shumë se 14,000 fëmijë janë vrarë në këtë ofensivë, të cilën kritikët e kanë quajtur një luftë hakmarrjeje.
Këto janë disa shifra që nxjerrin në pah nivelin e paprecedentë të dhunës së përdorur në gjashtë muajt e fundit, ndërkohë që Izraeli mbetet i vendosur për nisjen e një ofensive tokësore në Rafah. Qyteti më jugor në Gaza po strehon 1.5 milionë palestinezë, shumica e të cilëve u larguan nga fazat e mëparshme të luftës.
34 mijë të vrarë
Sipas Ministrisë së Shëndetësisë në Gaza, të paktën 34,183 njerëz janë vrarë dhe 77,084 janë plagosur në sulmet izraelite.
Rreth 72 për qind e të vrarëve janë gra dhe fëmijë, sipas një përditësimi nga Zyra e Mediave të Qeverisë së Gazës të martën.
Të hënën, shefi i Kombeve të Bashkuara për të drejtat e njeriut, Volker Turk tha se një fëmijë në Gaza vritet ose plagoset “çdo 10 minuta”.
Ndërkohë, 7,000 njerëz janë të zhdukur, sipas Zyrës së Qeverisë për Media, shumë prej të cilëve supozohet se kanë vdekur nën rrënoja.
“Ne kemi parë vdekje gjatë 200 ditëve të fundit në një shkallë të paprecedentë,” tha Emily Tripp, drejtore e organizatës jofitimprurëse Airwars me bazë në Londër, e cila gjurmon viktimat në bombardimet ajrore gjatë luftës. “ Tani kemi identifikuar më shumë incidente ku civilët janë vrarë që nga 7 tetori në Gaza sesa kemi regjistruar në tetë vitet e fushatës së SHBA-së dhe aleatëve kundër ISIS-it në Irak dhe Siri.
“Ne kemi dokumentuar sulme ku më shumë se 100 njerëz janë vrarë – ndërkohë që lajmet mezi arrijnë në titujt ndërkombëtarë”, tha ajo për Al Jazeera.
Në një raport të botuar në fund të marsit, Francesca Albanese, raportuesja speciale e OKB-së për territorin e pushtuar palestinez, tha se kishte indikacione të qarta se Izraeli ka shkelur tre nga pesë aktet e listuara në Konventën e OKB-së për gjenocidin.
Këto akte, that Albanese, përfshijnë “vrasje të anëtarëve të grupit; duke shkaktuar dëme të rënda trupore ose mendore ndaj anëtarëve të grupit; dhe krijimi me qëllim i kushte të jetesës për grupin të llogaritura që të sjellin shkatërrimin e tij fizik tërësisht ose pjesërisht”.
62 përqind e shtëpive janë shkatërruar
Shumë zona të banuara në të gjithë Gazën janë shkatërruar dhe rrënuar nga bombardimet e pamëshirshme. Të paktën 75,000 ton eksploziv janë hedhur në Gaza nga forcat izraelite, sipas zyrës së mediave të Gazës.
Këtë muaj, Agjencia e OKB-së për Ndihmë dhe Punë për Refugjatët Palestinë në Lindjen e Afërt, e njohur gjithashtu si UNRWA, tha se 62 përqind e të gjitha shtëpive në territorin e rrethuar janë dëmtuar ose shkatërruar.
Gati 90,000 njësi banimi janë shkatërruar ndërsa gati 300,000 njësi janë dëmtuar nga ofensiva ajrore dhe tokësore izraelite, sipas zyrës së mediave në Gaza.
Një raport i Bankës Botërore dhe OKB-së, i publikuar më 2 pril,l tha se kostoja e dëmtimit të infrastrukturës kritike në katër muajt e parë të luftës së Izraelit vlerësohet në 18.5 miliardë dollarë.
1.1 milion njerëz përballen me mungesë ‘katastrofike’ të ushqimit
Rreth 1.1 milion njerëz – gjysma e popullsisë së Gazës së paraluftës – po jetojnë në pasiguri ushqimore katastrofike, tha në një raport të botuar më 18 mars mbikëqyrësi botëror i urisë, i njohur si Klasifikimi i Fazës së Sigurisë së Ushqimit të Integruar (IPC). Pasiguria ushqimore katastrofike, niveli më i keq i pasigurisë ushqimore sipas IPC-së, i referohet kushteve në të cilat uria dhe kequshqyerja akute janë të dukshme.
Në Gazën veriore, zia e bukës ka të ngjarë të ndodhë deri në maj dhe mund të përhapet në të gjithë enklavën deri në korrik, shtoi raporti.
Sipas IPC, zia e bukës ndodh kur të paktën 20 për qind e familjeve përballen me mungesë ekstreme ushqimi, të paktën 30 për qind e fëmijëve vuajnë nga kequshqyerja akute dhe të paktën dy të rritur ose katër fëmijë për çdo 10,000 njerëz vdesin çdo ditë nga uria e plotë ose një kombinim i kequshqyerjes dhe sëmundjeve.
Për më tepër, lufta në enklavën bregdetare ka penguar punën e agjencive të ndihmës si UNRWA.
OKB-ja ka thënë se më shumë se 200 punonjës humanitarë janë vrarë gjatë luftës, shumica prej tyre palestinezë.
Më 16 mars, UNRWA tha se të paktën 180 vetë nga stafi i saj ishin vrarë që nga 7 tetori.
26 spitale të shkatërruara dhe qindra mjekë të vrarë
Forcat izraelite kanë shënjestruar vazhdimisht spitalet në Rripin e Gazës, duke përfshirë rrethimin e disa prej objekteve më të mëdha shëndetësore.
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus tha më 30 mars se vetëm 10 nga 36 spitalet e Gazës ishin “minimisht funksionale”.
Tlaleng Mofokeng, raportuesi special i OKB-së për të drejtën e shëndetit, tha të hënën se të paktën 350 profesionistë të kujdesit shëndetësor janë vrarë që nga 7 tetori me 520 të plagosur, duke shtuar se shifrat ishin “jashtëzakonisht të nënvlerësuara”.
Mofokeng tha se lufta e Izraelit në Gaza që nga fillimi ka qenë një “luftë për të drejtën e shëndetit” dhe ka “fshirë” sistemin shëndetësor në enklavën bregdetare.
Zyra e mediave në Gaza tha të martën se 485 personel mjekësor janë vrarë që nga fillimi i luftës.
Në muajt e fundit, disa nga objektet shëndetësore më të njohura të Gazës u rrethuan nga forcat izraelite. Javën e kaluar, gati 300 trupa u nxorrën nga një varr masiv i gjetur brenda Kompleksit Mjekësor Nasser në Khan Younis, disa javë pasi forcat izraelite u tërhoqën.
Këtë muaj, disa trupa gjithashtu u gjetën në spitalin al-Shifa në qytetin e Gazës, i cili ka qenë i rrethuar nga forcat izraelite për javë të tëra.
Katër rezolutave të OKB-së që bënin thirrje për armëpushim iu vendos vetoja
Shtetet e Bashkuara kanë vënë veton ndaj rezolutave të Këshillit të Sigurimit të OKB-së që bënin thirrje për armëpushim në tre raste që nga 7 tetori, ndërsa rezoluta e katërt për armëpushim u bllokua nga Algjeria, Rusia dhe Kina.
Më 23 mars, të tre vendet vendosën veton ndaj një rezolute të hartuar nga SHBA-të, për të cilën Moska tha se ishte një “spektakël hipokrit” që nuk i bënte presion Izraelit.
Më 25 mars, SHBA-të vendosën të mos vërë veton ndaj një rezolute për armëpushim duke abstenuar nga votimi. Rezoluta bënte thirrje për një armëpushim të menjëhershëm me rastin e muajit të agjërimit të muslimanëve, Ramazanin. Izraeli nuk e ka ndaluar luftën e tij, pavarësisht rezolutës.
SHBA-të e kanë mbështetur vazhdimisht Izraelin në OKB, ndërkohë që kanë furnizuar gjithashtu një pjesë të madhe të armëve për vendin. Dhoma e Përfaqësuesve e SHBA-ve miratoi 26 miliardë dollarë ndihmë për Izraelin në fundjavë. Legjislacioni tani po shqyrtohet nga Senati. /Tesheshi.com/
