Vetëvendosja e Tiranës startoi aktivitetin e saj politik duke i qëndruar me besnikëri profilit të saj rebel me nota të forta nacionaliste.
Nën udhëheqjen e Bojken Abazit, në Tiranë u organizua një protestë kundër vizitës së dyshes serbe Vuçiç – Dodik, të cilët do jenë pjesëmarrës në një samit rajonal.
Mes protestuesve qenë dhe eksponentë të njohur protestash, duke nisur që nga ato kundër një parku lojrash te Liqeni Artificial, te Teatri Kombëtar, e së fundi dhe te studentët.
Dhe, pas një konfrontimi me policinë, një prej tyre, Klajdi Bello, i njohur për mbajtjen e një kaske çiklistike një flamuri shqiptar hedhur krahëve, u shoqërua në komisariat. /tesheshi.com/
