Kampionati amerikan i basketbollit, apo i famshmi NBA sic njihet, ka startuar me ndeshje shumë të luftuara. Klivland Kavaljers dhe lideri i tij Lebron Xhejms, e kanë nisur me “dorën e duhur” këtë sezon, duke mundur një rival direkt, siç janë Boston Sëlltiks.
Mbreti Xhejms, siç njihet kudo në botë, edhe njëherë akoma “mori skuadrën për dore”, duke e bërë të fitojë 102-99, pas një ndeshjeje me shumë rivalitet. 29 pikë, 16 topa në tabelë dhe 9 asist dhuroi Xhejms, duke i bërë të qartë kujtdo se skuadra e tij, është një rival për t’u mundur në NBA.
E nëse një performancë e tillë pritej për një prej lojtarëve më të mirë të botës në këtë sport, surpriza e vërtetë e ditës ka qenë humbja e kampionëve të Golden Stejt Worriors, të cilët u mundën me një pikë nga Hjuston Rokets, edhe pse udhëhiqnin deri në 17 pikë avantazh.
“Mjekrra” Harden, siç njihet ndryshe lojtari më i mire i Hjuston, shënoi 27 pikë dhe pasoi 10 herë për shokët e tij, duke drejtuar skuadrën drejt fitores.
Kontributi i Harden ra në sy, veçanërisht për të mbajtur të pashkëputur ekipin, pasi “snajperat” Kërri dhe Durand, nuk po gabonin thuajse asnjëherë nga distanca e 3 pikëshit.
Megjithatë, Houston bëri përmbysjen e madhe, e i ka bërë që sot të gjithëm, t’i shohin si kundërshtar të fortë. NBA filloi me thriller që ditën e parë, tashmë vijimi do të jetë një “luftë” epike, deri në koshin e fundit. /tesheshi.com/
