Një krim “brenda familjes” ka hapur siparin e kronikës së zezë të 2021-shit që në ditën e parë të këtij viti.
Klajdi Shundi, 34-vjeç, ka qëlluar me thikë kunatin e tij, Vladimir Zvezhda, i cili ka humbur jetën në spital.
Në komunikatën e policisë thuhet se “rreth orës 03:45 të mëngjesit të sotëm, në rrugën ‘5 Maji’ pas një konflikti të çastit, për motive të dobëta shtetasi K. Sh., 34 vjeç, në gjendje të dehur ka goditur me thikë në qafë kunatin e tij shtetasin V.Z., 42 vjeç, i cili si pasojë e plagës së marrë ka ndërruar jetë në spital.
Shërbimet e Policisë kanë shkuar menjëherë në vendngjarje ku kanë bërë të mundur identifikimin, hapjen dhe arrestimin e autorit. Nën drejtimin e Prokurorisë vijon puna për zbardhjen e plotë të rrethanave të ngjarjes”. /tesheshi.com/
