PD hapi fushatën e saj, ku militanca zgjodhi të përformojë me makina, ndërsa nga podiumi, kreu demokrat Basha tha se ai ka lexuar ndryshimin në sytë e njerëzve kudo që ka shkuar.
“Unë kam marrë përqafimet e ngrohta nga jugu në veri. Kam marrë mesazhin se ndryshimi po vjen, se Shqipëria po ndryshon.
Kam lexuar në sytë tuaja një frymëzim të madh. Shqiptarët anekënd vendit më kanë thënë që ‘jemi gati për ndryshimin e madh’”, theksoi Basha.
Ai dhe njëherë potencoi anëtarësimin në NATO dhe liberalizimin e vizave si arritje të PD-së dikur në qeverisje.
“Sot Shqipëria është falë nesh anëtare e NATOS. Mbani mend kur të gjithë thonin se nuk mund të arrihej marrëveshja për lëvizjen e lirë pa viza, por në caktuam një pikësynim dhe punuam fort dhe ja dolëm”, theksoi i pari i opozitës.
Siç tha ai ndër të tjera, është marrë vendimi për dhënien fund të tranzicionit. /tesheshi.com/
