Asnjë efekt te Meta standarti i vënë nga mazhoranca, që, duke respektuar një direktivë të Venecias nuk e shkarkoi si president.
Kreu i shtetit ka reauar me një gjuhë kërcënuese, ku, pasi i kujton vetes dhe publikut se është mbushur një vit që kur u shpall “Luani i Venecias”, parashtron synimet e tij në betejë me mazhorancën:
“Duke kujtuar 1-vjetorin e ‘Luanit të Artë’ të Venecias, sot më duhet të riangazhohem që së bashku me Parlamentin e ardhshëm të miratojmë Ligjin për Referendumet në mënyrë që armiqtë e popullit të mos lodhen kaq shumë duke folur në emër të Tij.
Populli flet vetë me zërin dhe votën e tij!
Po afron ora që të rimarrë tërësisht sovranitetin në duart e tij:
- – Deputetët 100% nga Populli.
- – President i Republikës nga Populli.
- – Ligj për zhbllokimin e së drejtës kushtetuese për Referendumet.
Populli i 2 marsit është garancia më e mirë.
Populli nuk ka ikur nga Bulevardi. Do largohet vetëm ditën kur të miratohet Ligji për Referendumet“, shkruan njeriu që mban postin e presidentit.
Kujtojmë se mazhoranca nuk votoi shkarkimin e Metës si president, paçka shkeljeve të vërtetuara kushtetuese, theksuar dhe nga Komisioni i Venecias, duke arsyetuar se përderisa Venecia nuk dha arsye për shkarkim, në respekt të saj nuk duhet shkarkuar. /tesheshi.com/
