Turqia ka zgjatur afatin e qëndrimit për refugjatët sirianë të paregjistruar në Stamboll. Refugjatët e shumtë tani kanë kohë që deri më 30 tetor të lënë qytetin më të madh të vendit dhe të kthehen në qendrat e tyre të regjistrimit.
Njoftimi për afatin e ri u bë nga ministri i Brendshëm, Suleyman Soylu.
Soylu tha gjithashtu se sirianët që studiojnë në qytet – rreth 2.600 të tillë- do të përjashtoheshin nga urdhri, së bashku me familjet e tyre.
Pronarët e bizneseve aktive, taksapaguesit ose punonjësit e regjistruar në institucionin e Sigurimeve Shoqërore gjithashtu do të lejohen të qëndrojnë.
Përjashtimi përfshin gjithashtu sirianë me kushte të rënda shëndetësore, të cilët duhet të trajtohen në Stamboll dhe disa familje të ndara, në varësi të kushteve të caktuara. Autoritetet e Stambollit këmbëngulin se qyteti nuk mund të pranojë më refugjatë dhe të kërkojë që ata të kthehen në zona të tjera të vendit ose të përballen me dëbim. /tesheshi.com/
