Kombëtarja shqiptare do fillojë eventurën e europianit në Lens, përballë helvetikëve të Zvicrës.
Impianti Stade Bollaert-Delelis ka një kapacitet prej 38,223 ulësesh pas rinovimit që i është bërë vitin e shkuar. Ndërtimi i saj ka filluar në vitin e largët 1933 dhe gjatë historikut të saj ka mirëpritur Kupën e Botës në vitin 1998 dhe dy herë kampionatin botëror të regbisë (1999-2017), ndërkohë kjo do jetë hera e dytë që do jetë nikoqir i kampionatit europian pas atij të vitit 1984.
Nga veriu në jug, kuqezinjtë do udhëtojnë drejt Marsejës, për t’u përballur në ndeshjen e dytë ndaj Francës. Stade Velodrome ka një kapacitet prej 67, 394 ulësesh, pas rikonstruktimit të bërë në dy vitet e fundit.
Ky impiant është ndërtuar në vitin 1937, por gjatë historisë së saj ka pësuar shumë ndryshime, duke u rinovuar rishtazi disa herë të tjera, në 1984, 1998 dhe 2014. Velodrome ka qenë nikoqir i dy kampionateve botërore, atij të vitit 1938 dhe 1998. Gjithashtu, është njëri ndër stadiumet e preferuara të gjelave, pasi shumicën e ndeshje kualifikuese për eleminatore i zhvillojnë po në këtë impiant.
Ndërmjet Lensit dhe Marsejës, shqiponjat do zhvillojnë duelin e tretë përballë Rumanisë në Lyon. Stade des Lumieres do jetë foleja nikoqire për këtë takim. Stadium ky që ka kushtuar mbi 450 milionë euro në ndërtimin e saj. Kuqezinjtë do shkelin për herë të parë në tapetin jeshil, pasi përurimi i këtij impianti me 59,500 ulëse, do të bëhet pikërisht në këtë takim. 
/tesheshi.com/
