Përgatiti: Mensur Krasniqi
Ende pa u zhvilluar ndeshja e parë ndërmjet ekipeve të Milanit dhe Shkendisë në kuadër të Play Off, Liga Evropës, janë shitur të gjitha biletat e takimit kthyes, i cili do të luhet më 24 gusht në stadiumin “Filipi II Arena” në Shkup, njofton portali tesheshi.
Gjithsej janë shitur 35 mijë bileta, aq sa edhe vende ka stadiumi.
Nga qasja online e blerjes së biletave mund të shihet qartë se ka përfunduar mundësia e sigurimit të tyre, pasi të gjitha tribunat do jenë plot.
Një pjesë e konsiderueshme e biletave përveç qytetit të Tetovës dhe Shkupit janë shitur edhe në Tiranë dhe Prishtinë.
Çmimet e biletave kanë qenë nga 400 denarë(7 euro) deri më 1000 denarë (17 euro).
Ashtu siç përflitet në rrjetet sociale, ka njerëz të cilët kanë blerë bileta me shumicë dhe të njëjtat do i shesin me çmime të trefishuara( 50 euro).
Ndeshja e parë ndërmjet dy skuadrave do të zhvillohet më 17 gusht(pasnesër), dhe në rast se Shkëndija arrin të sigurojë rezultat pozitiv, atëherë do të rritet mundësia e shitjes së biletave me çmime stratosferike. /tesheshi.com/
