Ekipi gjerman St.Pauli përjashtoi futbollistin turk Chenk Sahin për mbështetje publike për ushtrinë turke në një operacion në veri të Sirisë.
Sahin, përmes Instagramit, përshëndeti ofensivën e Turqisë kundër grupeve militante kurde në Siri, pas së cilës klubi u përgjigj duke njoftuar se një veprim i tillë nuk ishte “në përputhje me vlerat e klubit”.
“Sahin aktualisht është i përjashtuar nga stërvitja dhe nga klubi”, sipas faqes së internetit të St.Paulit.
St.Pauli, klub që ka luftuar për t’u rikthyer në Bundesligë këtë sezon, është njohur për pikëpamjet e majta që nga viti 1980.
Sahin, ish-lojtari i ekipit të të rinjve të Turqisë, ka luajtur për Basaksehir të Stambollit dhe Ingolstadt. /tesheshi.com/
