Mazhoranca e çliroi veten nga një kurth ku e futi opozita, më saktë Berisha, kur javë më parë propozi një Rezolutë për Srebrenicën dhe ajo nuk pranoi të votohej. Ishte thjesht një diversion politik, por që kostoi rëndë mbi PS-në.
Sot, nga kjo e fundit u propozua një tjetër rezolutë, në prag të ngjarjes famëkeqe të luftës së Bosnjes, ku madje 11 korriku shpallet dita e Genocidit të Srebrenicës. Opozita u detyrua ta votonte. Ndaj, rezoluta kaloi pothuajse me unanimitet politik, morri 113 vota.
Po ashtu, Parlamenti votoi me shumicë votash ratifikimin e protokolleve për anëtarësimin e Suedisë dhe Finlandës në Aleancën ushtarake të NATO-s.
Ky proces duhet të bëhet edhe nga parlamentet e 29 vendeve të tjera të NATO-s, në mënyrë që dy vendet nordike të anëtarësohen zyrtarisht. /tesheshi.com/
