Kryeministri i Kosovës Albin Kurti tha të mërkurën se ai do të takohej me presidentin serb Aleksandar Vuçiç këtë muaj për të diskutuar dialogun e ardhshëm, jo vazhdimin e dialogut të mëparshëm.
Kurti u tha gazetarëve se ai kishte biseduar me dy nga tre liderët e partive opozitare dhe njoftoi se do të diskutojë dialogun aktual në Kuvendin e Kosovës, në mënyrë që të shohë se sa janë arritur marrëveshjet e mëparshme, zbatimin dhe ndikimin e tyre.
“Në ndërkohë, takimi i ardhshëm në Bruksel nuk është vazhdim i dialogut. Ky është takimi i parë në të cilin unë pres të takohem për herë të parë me Presidentin e Serbisë, me të cilin nuk jam takuar kurrë më parë, pa llogaritur takimin me 30 persona në tryezë në shkurt 2020, në Konferencën e Sigurisë në Mynih,” tha Kurti.
Ai thotë se ky është takimi i parë në të cilin mund të shihet se si do të jetë kapitulli tjetër i dialogut ndërmjet Kosovës dhe Serbisë. /tesheshi.com/
